Ermənistan Dövlət Gəlirləri Komitəsinin əməkdaşları rüşvət alarkən saxlanılıb

Ermənistan Milli Təhlükəsizlik Xidməti, Ermənistan Dövlət Gəlirləri Komitəsi əməkdaşlarının yüksək məbləğdə rüşvət alma və pul mənimsəmə faktının üstünü açıblar.
Bu haqda Asmedia.az Oxu.aza  istinadən xəbər verir. Təhlükəsizlik Xidmətinin məlumatında bildirilir ki, idarənin kiçik vergi ödəmələri üzrə nəzarət xidmətinin üç əməkdaşı yoxlama apardıqları subyektdə dörd işçinin qeydiyyatdan kənar çalışdığını aşkar edərək, sahibkarlardan 300 min dram (1,642 manat) rüşvət alıblar.
Gələcək fəaliyyətlərində onlar işə götürənlərdən hər ay 50 min dram (177,4 manat) məbləğində rüşvət tələb ediblər. 26 dekabrda keçirilən əməliyyat zamanı şübhəli şəxslərdən biri cinayət üstə yaxalanıb.
Ermənistan Milli Təhlükəsizlik Xidmətində hadisə ilə əlaqədar Cinayət Məcəlləsinin müvafiq maddələri ilə cinayət işi açılıb. Araşdırma nəticəsində cinayətdə iştirak edən digər məmur da saxlanılıb. Hadisənin üçüncü iştirakçısının isə axtarışları davam edir.