Heç bir ölkədə Bakıdakı qədər rus məktəbi yoxdur

Rusiyanın heç bir qonşusunda Azərbaycandakı qədər rusdilli məktəblər yoxdur.
Bu sözləri "Rossotrudnicestvo”nun Bakıdakı yeni rəhbəri İrek Zinnurov deyib.
Onun sözlərinə görə, agentlik Azərbaycanın bölgələrində yerləşən təhsil müəssisələri ilə işləməyə hazırdır.

"Ancaq Azərbaycan Respublikası Təhsil Nazirliyinin dəstəyi olmadan biz bunu edə bilmərik. Bu qurumla ortaq razılığa gəlməyimiz və bir-birimizə necə faydalı ola biləcəyimizə qərar verməyimiz vacibdir. Bu, Azərbaycanla Rusiya arasında humanitar əməkdaşlıq üzrə əlaqələrin inkişafı üçün lazımdır”, - deyə İ.Zinnurov bildirib.