Zərif ABŞ-ın addımını beynəlxalq terror aktı adlandırdı !

 İranın Xarici İşlər naziri Məhəmməd Cavad Zərif general Qasım Süleymaninin ABŞ tərəfindən öldürülməsindən sonra bəyanat verib.
Asmedia.az “Qafqazinfo”-ya istinadən xəbər verir ki, dövlət rəsmisi özünün Tvitter hesabında qeyd edib ki, İŞİD, Əl-Nusra, Əl-Qaidə və digər terror birlikləri ilə mübarizə aparan general Süleymaninin ABŞ tərəfindən hədəfə alınması və öldürülməsi beynəlxalq terror aktıdır. Nazir bu hərəkəti son dərəcə təhlükəli və səfeh eskalasiya adlandırıb: “ABŞ yaramaz avantürizminin bütün nəticələrinə görə məsuliyyət daşıyır”.
Qeyd edək ki, İran İnqilabı Keşikçiləri Qvardiyası (“Sepah”) “Quds” qanadının komandanı, general Qasım Süleymani ABŞ-ın Bağdadın hava limanına endirdiyi raket zərbələri nəticəsində öldürülüb. İranın ali dini lideri Ayətullah Əli Xamenei Q.Süleymaninin öldürülməsinə görə qisas alacaqlarını söz verib. ABŞ silahlı qüvvələri yüksək döyüş hazırlığına gətirilib.