Xorvatiyada Prezidentlə keçmiş Baş Nazir rəqib oldu.

Bu gün Xorvatiyada prezident seçkilərinin ikinci mərhələsi keçirilir. 
Asmedia.az “Qafqazinfo”ya istinadən bildirir ki, bu barədə respublikanın Dövlət Seçki Komissiyasından məlumat verilib. 
Dövlət başçısı postu uğrunda hazırkı Prezident Kolinda Qrabar-Kitaroviç və müxalif Sosial-demokrat Partiyasının lideri, sabiq Baş Nazir Zoran Milanoviç mübarizə aparırlar.
3 milyon 855 min seçki hüquqna malik şəxs 6,5 mindən çox məntəqədə səs verəcək. Səsverməni 24 mindən çox yerli və xarici müşahidəçilər izləyir. Məntəqələr saat 07:00-dan 19:00-dək açıqdır.
Xatırladaq ki, seçkilərin birinci mərhələsində 11 namizəd iştirak etmişdi.