FHN: Üç nəfər xilas edilib, bir nəfərin meyiti aşkar olunub

Fövqəladə Hallar Nazirliyində ötən gün ərzində 15 yanğına çıxış qeydə alınıb.
Bu barədə  Fövqəladə Hallar Nazirliyindən məlumat verilib.

Daxil olmuş zənglər əsasında nazirliyin aidiyyəti qurumları tərəfindən ötən sutka ərzində 15 yanğına çıxış, üç halda köməksiz vəziyyətdə qalma faktı üzrə qəza-xilasetmə əməliyyatları həyata keçirilib.

Görülmüş təcili və təxirəsalınmaz tədbirlər nəticəsində yanğınların operativ söndürülməsi, insanların həyatının xilas olunması təmin edilib.
Ümumilikdə, ötən sutka ərzində üç nəfər xilas edilib, bir nəfərin meyiti aşkar olunaraq aidiyyəti üzrə təhvil verilib.