Avropada təbii qaz qiymətləri yenidən 1000 dolları KEÇDİ

Avropa birjalarında təbii qaz qiymətləri min kubmetr üçün 1000 dollar həddini keçib.

ASmedia.az xəbər verir ki, Niderlandın TTF habında təbii qazın yanvar fyuçersləri 1 028 dollar ətrafında alınıb-satılır.

Qiymətlər ötən sutka ilə müqayisədə 7,5 faiz çox artıb.

Xatırladaq ki, Avropada təbii qaz qiymətləri dekabrın 21-də tarixi rekordu yeniləyərək min kubmetr üçün 2 190 dollara çatmışdı.
Dekabrın 31-də isə bu göstərici 800 dollardan aşağı enmişdi.