İmişlidə qəza oldu, ata-oğul yaralandı

İmişlidə yol-nəqliyyat hadisəsi baş verib. Asmedia.az. “Qafqazinfo”-ya istinadən xəbər verir ki, hadisə rayonun Qaralar kəndində olub.
Belə ki, kənd sakini 1990-cı il təvəllüdlü Quliyev Elvüsal Gülhüseyn oğlunun idarə etdiyi "Qazel" markalı yük avtomobili qarşıdan gələn "Vaz-2106" markalı minik avtomobili ilə toqquşub.
Nəticədə "Qazel" markalı avtomobilin sürücüsü və atası 1957-ci il təvəllüdlü Quliyev Gülhüseyn Qulu oğlu müxtəlif dərəcəli bədən xəsarətləri ilə rayon mərkəzi xəstəxanasına yerləşdiriliblər.
Həkimlər hər iki yaralının vəziyyətinin orta-ağır olduğunu bildiriblər.
Faktla bağlı araşdırma aparılır.