İsrail ordusu Rəfahın Şabura bölgəsində quru əməliyyatına başlayıb

İsrail ordusu Qəzzanın cənubunda yerləşən Rəfah şəhərinin Şabura rayonunda quru əməliyyatına start verib.

Bu barədə İsrail ordusunun yaydığı rəsmi məlumatda bildirilib.

“Təhlükəsizlik qüvvələrimiz son saatlarda Rəfahın Şabura bölgəsində quru əməliyyatları həyata keçirməyə başlayıb. Bu çərçivədə bir sıra terror obyektləri zərərsizləşdirilib”, – açıqlamada qeyd olunub.

Bundan əlavə, ordu rəsmiləri Qəzzanın şimal və mərkəzi hissələrində də hərbi əməliyyatların davam etdiyini vurğulayıblar.