Kremlin “dəmir kuklası”, nazirdən çox qazanan Olqa

Əgər kimsə ən ifrat rus təbliğatçısı haqqında danışsa, dərhal Ukraynaya, Avropaya və Amerikaya nifrət edən Olqa Skabayeva xatırlanır. O, Kremlin dəmir təbliğatçısı, bəzən isə Kremlin qeyri-rəsmi sözçüsü hesab olunur.

Rusiyanın ən böyük təbliğatçı, rus aparıcısı Olqa Skabeyeva haqqında məlumatı təqdim edir.

Skabayeva Sankt-Peterburq Universitetinin jurnalistika fakültəsini bitirib və dərhal öz ixtisası üzrə işləməyə başlayıb. O, Rusiya-1 kanalının “əbədi” aparıcısıdır. Skabayeva hər kəsin mədə spazmasına səbəb olan “60 dəqiqə” şousu ilə daha çox tanınır. Onun verilişin qonaqları və opponentləri ilə ünsiyyət tərzi çoxlarına tanışdır: qışqırır, sözünü kəsir, boş-boş danışır, yalançı mübahisələr edir. O, hətta bir neçə dəfə müsahibə zamanı qovulub. Hər kəs mühafizəçinin onun sözün əsl mənasında ağzını bağladığı anı xatırlayır. O anda Skabayeva qadağaya baxmayaraq, Petro Poroşenkodan şərh almağa çalışırdı. Bundan başqa, Ukraynanın AŞPA-dakı nümayəndə heyəti onlardan müsahibə almaq istəyən təbliğatçını dinləməyərək Ukrayna himnini oxumuşdu.

İnternetdə bu cür reportajlara görə o, “Putinin TT dəmir kuklası” ləqəbini alıb. Skabayeva Ukraynada persona non-qratadır, Rusiya müharibəyə başlayandan sonra onun rəsmi Kiyevə girişi qadağan edilib. Bundan əlavə, AB ona qarşı şəxsi sanksiyalar tətbiq edib və indi o, AB ölkələrinə daxil ola bilmir.

Skabayevanın şəxsi həyatı haqqında çox az informasiya məlumdur. O, 2013-cü ildən Yevgeni Popovla evlidir, onunla birlikdə Rusiya-1 kanalında veriliş aparır. 2020-ci ildə hətta Skabayevanın ərindən boşanacağı ilə bağlı şayiələr də yayılmışdı. Zaxar adlı bir oğlu var.

Yevgeni Popov və Olqa Skabayevanın Moskvada 300 milyon rubl dəyərində daşınmaz əmlakı var. Bu barədə Korrupsiyaya Qarşı Mübarizə Fondunun araşdırmasında deyilir. Yevgeni Popovun illik gəliri 12,9 milyon rubl, Olqa Skabayevanın rəsmi maaşı 12,8 milyon rubldur. Məlumata görə, bu, müdafiə naziri Sergey Şoyqunun rəsmi maaşından yüksəkdir. Nazir 12,6 milyon rubl maaş alır.