NATO dünyanın ən böyük canlı kiber təliminə başlayır

NATO bu gün dünyanın ən böyük və ən mürəkkəb canlı beynəlxalq kiber təliminə başlayır.

ASmedia.az xəbər verir ki, 19-22 aprel tarixlərində Estoniyanın paytaxtı Tallin şəhərində NATO-nun Birgə Kiber Müdafiə Mükəmməllik Mərkəzi tərəfindən illik "Bağlı Qalxanlar" təlimi təşkil olunacaq.

Təlimdə NATO müttəfiqləri və NATO tərəfdaş ölkələrindən kibertəhlükəsizlik və İT ekspertləri iştirak edəcək. Builki təlimdə ukraynalı ekspertlər də iştirak edəcək.

Təlimdə mülki və hərbi məlumat sistemləri ilə kritik infrastrukturlara real vaxt rejimində qabaqcıl kiber hücumlara qarşı müdafiə üsulları sınaqdan keçiriləcək. Bundan əlavə, mümkün hücumlar zamanı mülki və hərbi birliklər, dövlət və özəl sektorla əməkdaşlığın necə həyata keçiriləcəyi sınanacaq.