Daşqınlar 14 nəfərin həyatına son qoydu

Kolumbiyada daşqın nəticəsində 14 nəfər ölüb.

ASMedia xarici KİV-ə istinadən xəbər verir ki, Kolumbiyanın cənub-şərqində şiddətli yağışlardan sonra çayın daşması nəticəsində sel və torpaq sürüşməsi meydana gəlib. Nəticədə 20 ev torpaq altında qalıb. Əraziyə xilasedici qüvvələr cəlb edilib.

Hadisədə 14 nəfərin öldüyü, xeyli insanın itkin düşdüyü bildirilir. Eyni zamanda paytaxt Boqotanı ticarət üçün əhəmiyyətli olan Villavicencio bölgəsinə bağlayan körpü dağılıb.

Hazırda xilasetmə tədbirləri davam edir.