“Heç kim seçkilərdə pozuntulardan sığortalanmayıb”

Sabah Azərbaycanda bələdiyyə seçkiləri keçiriləcək. Ümumilikdə 1606 bələdiyyə üzrə 15156 bələdiyyə üzvü seçiləcək. 
"Qafqazinfo" xəbər verir ki, bunu Mərkəzi Seçki Komissiyasının sədri Məzahir Pənahov bu gün keçirilən mətbuat konfransında deyib. 
M.Pənahov bildirib ki, bələdiyyə seçkiləri 5049 seçki məntəqəsində keçiriləcək. Səsvermə səhər saat 08:00-da balayacaq, axşam saat 19:00-da başa çatacaq.
Onun sözlərinə görə, ümumilikdə səsvermə üçün siyahıya daxil olmuş seçicilərin sayı 4972356 nəfərdir: “Azərbaycanda mövcud olan 125 dairənin 7 dairə bu proseslərdə iştirak etmir, çünki bu dairələr tamamilə Ermənistan tərəfindən işğal olunan ərazilərdə yerləşən dairələrdir. Ümumilikdə bu 7 dairədən başqa, digər 7 dairədə də bizim məcburi köçkün vətəndaşlarımız var və burada seçicilərin sayı 339,326 nəfərdir”.
Pənahov bildirib ki, veb-kameralar məntəqə daxilində səsvermənin bütün gedişatını izləyir. Bu tələb ciddi şəkildə həyata keçirilməlidir. Bununla bağlı pozuntu halı aşkarlanarsa MSK-ya məlumat verilməlidir. Hazırda 1000 məntəqə veb-kameralar quraşdırılıb. Sevincidirici hal ondan ibarətdir ki, indiyə qədər veb-kameraların fəaliyyəti ilə bağlı heç bir problem yaşanmayıb. Veb-kamera praktikasının müəllifliyi Azərbaycana məxsusdur.
Biz maksimum dərəcədə çalışmalıyıq ki, seçkilər zamanı pozuntu hallarına yol verilməsin. İstənilən pozuntu ictimaiyyət tərəfindən pis qarşılanır. Bütün seçkilər Seçki Məcəlləsinin tam tələbinə uyğun olmalıdır. Bizim son illərdə seçki prosesinin keçirilməsində maarifləndirmə təbirlərin xüsusi rolu var. Seçkilər kütləvi bir prosesdir. Dünyanın heç bir yerində heç kim seçkilərdə pozuntulardan sığortalanmayıb. Əlbəttə, biz arzu edərdik ki, pozuntu halları olmasın. Bizim məqsədimiz bu halları minimuma endiməkdir. Bunun üçün biz daim maarifləndirmə tədbirləri həyata keçiririk".