Qurban Qurbanovun oğlu “Qarabağ”da debüt etdi

Azərbaycan Kubokunda 1/4 final mərhələsinin cavab oyununda "Qarabağ" "Keşlə"nin qonağı olub.
Asmedia.az "Qafqazinfo"ya istinadən xəbər verir ki, matç Ağdam klubunun heyətində debütlə əlamətdar olub. Uzun müddətdi əvəzedicilər komandasında çıxış edən Azərbaycan U-21 millisinin üzvü Musa Qurbanlı ilk dəfə əsas komandanın heyətində meydana çıxıb. Qurban Qurbanov ikinci hissənin əvvəlində oğlunu meydana buraxıb.
Qeyd edək ki, "Qarabağ"ın 3:1 hesablı qələbə qazandığı oyunda Musa Qurbanlı məhsuldar ötürmə ilə yadda qalıb.