Göygöldə oğlunu qətlə yetirdi !

• Göygöldə evi yandıran oğlunu qətlə yetirərək  hadisə yerindən qaçan şəxs bu gün  Bakı şəhərində saxlanılıb.

Asmedia.az  məlumat verir ki, Göygöl rayonunun Nadil kənd sakini 1950-ci il təvəllüdlü Yaşar Qəmbər oğlu Bayramov əməliyyat axtarış tədbirləri nəticəsində polis əməkdaşları tərəfindən tutularaq istintaqa təhvil verilib.
Onun barəsində Göygöl rayon Prokurorluğunda Cinayət Məcəlləsinin müvafiq maddəsi ilə cinayət işi açılıb, araşdırma davam edır.
 Yaşar Bayramov oğlu - 1978-ci il təvəllüdlü Mahir Bayramovu Nadil kənd ərazisindəki  taxıl sahəsində ov tüfəngindən 2 dəfə atəş açaraq qətlə yetirib. Bu hadisə uzun müddət ata və oğul arasında gedən mübahisənin nəticəsində baş verib. Hadisəyə səbəb evin Mahir Bayramov tərəfindən yandırılması olub.

---