3 kiloqramdan çox narkotik maddə aşkar edildi

Sabirabad sakinindən külli miqdarda narkotik maddə aşkarlanıb.
Daxili İşlər Nazirliyinin mətbuat xidmətindən  verilən məlumata görə, Rayon Polis Şöbəsinin əməkdaşlarının daxil olmuş məlumat əsasında keçirdikləri əməliyyat-axtarış tədbiri nəticəsində Qaratəpə kənd sakini, əvvəllər məhkum olunmuş Ə. Vəliyevin həyətyanı sahəsindən 3 kiloqramdan artıq marixuana, istixanasından isə kultivasiya yolu ilə yetişdirilmiş 2 ədəd çətənə kolu aşkar edilərək götürülüb.
Faktla bağlı araşdırma aparılır.