İrandan Azərbaycana 8 kq-dan çox narkotik keçirilməsinin qarşısı alınıb

Cənub Ərazi Baş Gömrük İdarəsi Əməliyyat və Təhqiqat İdarəsinin Əməliyyat şöbəsinə külli miqdarda narkotik vasitə və psixotrop maddələrin qaçaqmalçılıq yolu ilə İran İslam Respublikasından Azərbaycan Respublikasına gətiriləcəyi barədə məlumat daxil olub.
Dövlət Gömrük Komitəsinin Mətbuat və İctimaiyyətlə Əlaqələr İdarəsindən ASMEDİA.AZ-a verilən məlumata görə, həmin əməliyyat məlumatı əsasında, Cənub Ərazi Baş Gömrük İdarəsinin "Biləsuvar" gömrük postunda İran İslam Respublikası ərazisindən tranzit keçməklə Azərbaycan Respublikasına gələn Azərbaycan vətəndaşı Dünyamalıyev İlkin Yusif oğlunun idarə etdiyi "MAN" markalı, 99-JZ-401/10-ZJ-401 dövlət qeydiyyat nişanlı yük avtomobili saxlanılıb.
Şifahi sorğu-sual zamanı sürücü üzərində və idarə etdiyi nəqliyyat vasitəsində gömrük nəzarətindən gizlədilən və ya gömrük nəzarətinə bəyan edilməli hər hansı predmetin olmadığını bildirib. Lakin kinoloji xidmət itinin tətbiqi ilə keçirilən baxış zamanı xidməti it avtomobilin kabinə və qoşqusunun ətraflarına reaksiya verib. Nəqliyyat vasitəsi əsaslı yoxlanılarkən kabinədə "elektrik açarı"nın altındakı boşluqda 1 ədəd sellofan bükümdə, qablaşdırılması ilə birlikdə çəkisi 3 qram təşkil edən narkotik vasitə - qurudulmuş marixuana aşkar edilib.