Futzal üzrə Azərbaycan Kuboku: 1/4 Finalçılar Məlum Oldu

Futzal üzrə Azərbaycan Kubokunun 1/4 final mərhələsinin bütün iştirakçıları məlum olub.

1/8 final mərhələsində son olaraq dörd qarşılaşma keçirilib. Nəticədə “Araz-Naxçıvan”, U-19, “STAR Kargo” və “Xan-Lənkəran” komandaları növbəti mərhələyə yüksəliblər.

Qeyd edək ki, bir gün əvvəl “Baku Fire”, PFL, “Şuşa” və “Neftçi” İK komandaları da 1/4 finala vəsiqə qazanmışdı.

Yanvarın 18-də baş tutacaq 1/4 final mərhələsinin cütlükləri aşağıdakı kimidir:

“Baku Fire” – “Araz-Naxçıvan”

PFL – “Xan-Lənkəran”

U-19 – “Şuşa”

“Neftçi” İK – “STAR Kargo”