AVRO-2020-nin seçmə mərhələsinin X turu davam edir.
Asmedia.az xəbər verir ki, Apasport.az-ın məlumatına görə, B və A qruplarının ardınca H qrupunda da son oyunlar keçirilib.
Qonşu Türkiyə yığması səfərdə Andorranın qonağı olub. Şenol Günəşin yetirmələri matçın taleyini ilk yarıda həll ediblər.
Bu matçadək AVRO-2020-yə vəsiqəni təmin edən “ay-ulduzlular” seçmə mərhələni ikinci pillədə başa vurub. Andorradakı qələbə zirvəni ələ keçirmək üçün yetərli olmayıb.
Çünki qrupun lideri olan Fransa son turda büdrəməyib. Son dünya çempionları Albaniyadan 3 xalla dönüb.
Ümidlərini pley-off mərhələsinə bağlayan İslandiya isə formal xarakterli görüşdə Moldova ilə üz-üzə gəlib. Şimallılar səfər matçında üç xal qazanıblar.
Qeyd edək ki, artıq final mərhələsinə 17 komanda - Belçika, Polşa, Ukrayna, Rusiya, İspaniya, İtaliya, Türkiyə, Fransa, İngiltərə, Çexiya, İsveç, Finlandiya, Xorvatiya, Almaniya, Hollandiya, Avstriya və Portuqaliya vəsiqə qazanıb.
AVRO-2020-nin seçmə mərhələsi
X tur
17 noyabr
H qrupu
23:45. Moldova – İslandiya – 1:2
Milinçianu, 56 - Byarnason, 17, Siqurdsson, 65
23:45. Andorra – Türkiyə - 0:2
Ünal, 17, 21 (pen.)
23:45. Albaniya – Fransa – 0:2
Tolisso, 8, Qrizmann, 31
1 | Fransa | 10 | 8 | 1 | 1 | 25-6 | 25 |
2 | Türkiyə | 10 | 7 | 2 | 1 | 18-3 | 23 |
3 | İslandiya | 10 | 6 | 1 | 3 | 13-10 | 19 |
4 | Albaniya | 10 | 4 | 1 | 5 | 16-14 | 13 |
5 | Andorra | 10 | 1 | 1 | 8 | 3-20 | 4 |
6 | Moldova | 10 | 1 | 0 | 9 | 3-25 | 3 |