Oxşar xəbərlər
NAZİM İDEAL: Sındırılmışlardan qəhrəman olmaz!
10-03-2021, 13:56
Görünəni budur ki, təmsil olunduğu obyektdən asılı olmayaraq Xalqın adından danışanlar daha çox istifadə və xəyanət edənlərdir.
Dövlətə obyekt, qanunlara gəlir sahəsi kimi yanaşanlar,geci-tezi xəyanətə hamiıə qalmaqla yanaşı haqq etdiyi çuxurunda iylənməyə məhkumdur.
Bilinsin ki, bu ölkədə baş verənlər universal ssenarinin tərkib hissəsidir.
Həyata keçirilən ssenarilərin sonu sınmış,qanadlı-quyruqlu QıF-ın yetişməsidir.
Necə ki,rüşvət çəlləyində qıcqırmamış vicdanlı və məsuliyyətli məmurun acısı olan Millət,həm də onun adından spekulyasiya edən əsl müxalifətin,dissidentin büsbütün varlığını görmək çabasıyla analoqsuz obraz yaratsada son nəticədə alçaq və alçaq xislətlərini ortaya çıxarır!
Bu günə kimi iqtidar-müxalifət "savaşından" bir ədəd öz adıyla sonuna qədər əqidəsinə xəyanət etməyənini gördünüzmü?
İqtidar tutur,müxalifət iqtidarın tutduğundan qəhrəman düzəldir, vicdan-siyasi məhbus karikaturası üzrə bum yaradır.
Məhbəsdə çox keçmir ki, öz mahiyyətini dərk edən qəhrəman administrasiyanın sanitarı rolunda çıxış edir və azadlığa çıxar-çıxmaz onu müdafiə edən,ondan lazımsız xammal düzəldən zombi fraksiyasına dönük çıxıb onu sındıran hökumətin qucağına atılır.
Və publik olaraq keçmişindən imtina etdiyini bəyan edir.Situasiadan bəhrələnən və eyforiyaya tıxanan rejim dəllalları "müxalifətin" qəhrəman düzəltmək istədiyi şenokları bir-bir stiqmalayıb bir-birilərinə zingildədir və diqtə edir ki, "sənin qəhrəmanın mənim lakeyimdir".
Və beləliklə Xalqdan heç bir dəstək almayan qısır tərəflər "Xalqın gözü tərəzidir" dəbilqəsinə bürünüb boş qalmış yerlərini doldurmağa çalışsalarda ümid ünvanı olaraq absurd yalanlara sığınmaqdan başqa yolları qalmır.
Bütün tərəflər cənab heçkim olduqlarını bildiklərindən, virtual olaraq biri-birilərilə hesablaşaraq, çıxış yollarını Xalqı sosial məngənədə saxlamaqda görür.
Nəticə etibarı ilə Xalq iqtidar-müxalifət cütləşməsinin mahiyyətini dərk etdiyindən xilaskarına-intihara müraciət etməli olur.
Bilir ki, intihar etdikdən sonra anılacaq və hüquqları tanınacaq !
İntihar hüquqları....!?
