İstanbul teraktı ilə bağlı daha 1 nəfər həbs edildi

İstanbulun İstiqlal prospektində baş verən terror aktı ilə bağlı aparılan istintaq çərçivəsində daha 1 nəfər həbs edilib.
Bu barədə Türkiyənin daxili işlər naziri Süleyman Soylu məlumat verib.
Bildirilib ki, həbs edilən şəxs terroru törətməkdə şübhəli bilinən Bilal Həsəninin qardaşıdır.
Qeyd edək ki, noyabrın 13-də İstanbulun Taksim meydanı yaxınlığında yerləşən İstiqlal prospektindəki terakt nəticəsində 6 nəfər həlak olub, 81-i isə yaralanıb.