İmişlidə piyadanı vurub qaçan sürücü tutuldu.

Yanvarın 5-də saat 1 radələrində İmişli rayonunun Qaralar kəndi ərazisində yolu keçən Yalavac kənd sakini M.Orucov naməlum avtomobillə vurulub.  
Xəsarət almış piyada xəstəxanaya yerləşdirilib. 
 Bu barədə Asmedia.az Oxu.az-a istinadən bildirir ki, Daxili İşlər Nazirliyinin mətbuat xidmətinin məlumatına əsasən, yol-nəqliyyat hadisəsini törədərək hadisə yerindən yayınmaqda şübhəli bilinən “Mercedes” markalı avtomobilin sürücüsü, Yalavac kənd sakini V.Mustafayev İmişli Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində saxlanılıb. 
Hadisə ilə bağlı araşdırma aparılır.