Aysel Şükürova məhkəməyə verildi

Qalmaqallı bloger, Bakı Lift İdarəsinin keçmiş rəhbəri Qüdrət Şükürovun qızı Aysel Şükürova məhkəməyə verilib.  “Qafqazinfo” xəbər verir ki, videoqraf Fuad İsmayılovun xanımı, bloger Asya İsmayılova xanım Şükürovadan şikayətçi olub. 
Asya İsmayılova Ayselin açdığı teleqram qrupunda onun və ailəsinin ünvanına təhqiramiz ifadələr işlətdiyini iddia edib. O, instaqramda paylaşım edərək polisə müraciət etdiyini qeyd edib:
“Aysel Şükürova dünəndən bu günədək  mənim və yoldaşım haqda yalan, şər-böhtan, şəxsiyyətlərimizi alçaltdığı və işgüzar nüfuzumuzu zədələdiyi üçün polisə şikayət etmişik.Tərkibində cinayət xarakteri olduğundan inzibati yox, cinayət işi kimi qeydə alınıb. Qarşı tərəfin yoldaşı (Oqtay Əhmədov) polisə yalandan “yoldaşım iflic keçirib, bölməyə gələ bilmir” – bildirsə də, polis əməkdaşları evlərində izahatını alıb.  Qüdrət Şükürov da məsələ ilə bağlı bölməyə dəvət olunub. Çalışacağıq ki, bu iş sabahdan prokurorluğa göndərilsin və oradan da məhkəməyə getsin".
Aysel Şükürova isə instaqramda paylaşım edərək iddialara cavab verib: 
“Kim kimə inanmaq istəyirsə, inansın. Üzləşmək təklifi etdim, razı olmadılar. Üzləşmə olmasa, mən bu işdən əl çəkən deyiləm. Həm onlara, həm də hüquq-mühafizə oqranlarına dedim. İnsan dedikləri sözün arxasında dayanmağı bacarmalıdır. Əgər səhv etmişəmsə, qanun qarşısında cavab verərəm. Onlar da həmçinin... Mən olan şeylərdən danışmışam, öz dediklərini xatırlatmışam. Mənlə bağlı danışılan zaman qrupda onların da müzakirəsi gedib. Heç kimin ağzını bağlaya bilmərəm ki, danışma!”  
Qeyd edək ki, A. Şükürovanın instaqramda 1 milyona yaxın izləyicisi var.