7-ci sinif şagirdi ilə “QARABAĞ” haqqındda söhbət...

“Müharibə pisdir, uşaqları da öldürürlər” - Bu barədə Asmedia.az Modern.az-a istinadən xəbər verib.
“Qarabağ söhbəti” layihəsi davam edir:
Layihə çərçivəsində budəfəki müsahibimiz digər müsahiblərdən xeyli fərqlidir.
O, nə siyasətçidir, nə də Qarabağı dərindən bilən politoloq.
O, işğal edilmiş bölgədəndir, kəlbəcərlidir, ancaq  o yerləri görməyib. Kəlbəcərdə doğulub-böyüməyən kəlbəcərlidir. Müsahibimiz Nihad Ağazadə Kəlbəcər rayon 84 saylı tam orta məktəbin 7-ci sinif şagirdidir.
Dediyim kimi, o, Kəlbəcərdə doğulmayıb. O yerlərlə tanış deyil. Ancaq valideynlərinin doğulub boya-başa çatdığı, məcburi köçkün düşdüyü Kəlbəcərə, eləcə də, ümumi Qarabağa qayıtmaq barədə çox ümidlidir. Məktəbli müsahibimiz deyir ki, Qarabağı görməsə də, o yerlərlə çox yaxından tanışdır, az qala o yerləri böyüklərinin hafizəsindən götürüb çığır-cığır əzbərləyib.
Mən Kəlbəcəri görməmişəm, oralarla tanış deyiləm. Ancaq elə bilirəm ki, o yerləri qarış-qarış tanıyıram. Böyüklərim o yerlərdən o qədər söz açırlar ki, xəyalımda oraları canlandıra bilirəm.
Arada Azərbaycanın müxtəlif bölgələrinə gedirəm valideynlərimlə. Özlüyümdə müqayisə aparıram, nədənsə mənə elə gəlir ki, Kəlbəcər dünyanın ən yaxşı, yaraşıqlı yeridir.
Oralar bizdə olsaydı, dünyanın ən gözəl turist mərkəzlərindən biri olardı Kəlbəcər.
  Nihad, valideynlərinin Qarabağı sənə tanıtması, sevdirməsi normaldır. Valideynlərinin sayəsində təkcə Qarabağı tanımırsan, həm də içdən bir vətənpərvərlik formalaşıb. Bəs, sən Qarabağla bağlı valideynlərinə hansı sual verirsən?
Əlbəttə, ata-anama Qarabağın hər qarışı barədə suallar verirəm və cavab da alıram. Məsələn, Kəlbəcərdə məşhur olan İstisu mineral suyunu əvvəl biz içirdik, indi isə ermənilər istifadə edir. Bunun səbəbini ata-anamdan soruşuram. “Niyə biz Kəlbəcərə gedə bilmirik”-deyə sual edirəm. Kəlbəcərin nə demək olduğunu da öyrənmişəm. “Çar üstündə qala” deməkdir. Tərtər çayı boyunca süni mağaralar var.  Ağdam, Laçın, Şuşa, Kəlbəcər Xocalı və işğal altında olan digər rayonlarımızın hər biri gözəldir.
Yaşın azdı. Qarabağı görməmisən. İçində o yerlərə qayıtmaqla bağlı ümid varmı? Səncə, biz Qarabağa qayıdacağıq?
Düzdü, Qarabağı görməmişəm, orada böyüməmişəm. Ancaq Qarabağa qayıtmağımızla bağlı çox ümidliyəm. Babalarımın yaşadığı evi görmək  istəyirəm. Hər bir azərbaycanlı kimi mən də torpaqlarımızın  azad olmasını çox istəyirəm.  O yerlərdə  yaşamağı da çox arzulayıram. Həmişə kitablarda, internetdə Qarabağı görürük. Hər bir qarabağlının arzusu o torpaqları həqiqətdə görməkdir.İnanıram ki, o torpaqlara qayıdacağıq.
  
 Düşmənlər  tərəfindən sadaladığın yerlərimiz işğal olunub. Bəs, ermənilər haqqında nə düşünürsən? Qisas haqqını necə tanıyırsan?
Evimizi əlimizdən alanlara necə baxmalıyıq ki... Mən də ermənilərə  nifrət edirəm. Onlar bizi dədə-baba torpaqlarımızdan didərgin salıblar. Mən də böyüyüb əsgər olacam. Gedib ermənilərdən torpağımızıa zad edəcəm.
 Hansı yolla geri qaytaraq? Sülh, yoxsa müharibə?!
Sülhlə, müqavilə ilə torpaq alınmaz. Qan tökməliyik ki, torpağımızı ermənilərdən geri ala bilək. Tarixdə də görünüb ki, yazı ilə, müqavilə ilə torpaq alınmır. Qarabağı qansız azad edə bilmərik.
Ancaq böyüklər, siyasətçilər deyir ki, sülh yolu ilə mümkündür.
Məncə yox, sülhlə olmaz. 
Güman ki, Xocalıda yaşanan soyqırım dəhşətlərini kadrlardan izləmisən. İzləyərkən nə düşünmüsən?
Xocalıda öldürülən insanlara mən də baxmışam. Ermənilərə daha çox nifrət edirəm o zaman. Balacaları, məktəbliləri vəhşi kimi öldürüblər.  Xocalıda ermənilərin etdiklərini Çingiz Mustafayev çəkib.
Sən o torpaqlarda böyüməmisən. Mənə maraqlıdır ki, “o torpaqlar bizim nəyimbizə lazımdı” düşüncəsində nə vaxtsa olmusanmı?
Yox! Nənə babalarım,  valideynlərim mən balaca olandan Qarabağ haqqında danışıb. Sonra özüm internetdə Qarabağı araşdırdım. Ən böyük arzum Qarabağa getməkdir. İstəyirəm ki, gedib orda məktəbdə oxuyum. Böyüklər öz oxuduqları məktəbdən elə danışırlar ki, adam çox istəyir o məktəbdə təhsil alsın.